We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Loforð um n​ý​jan dag

by Sváfnir Sig og drengirnir af upptökuheimilinu

/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.
    Purchasable with gift card

      $12.99 USD

     

1.
Tapað fundið, týnt en birtist aftur áður horfið, núna blasir við að allan tímann stóðstu mér við hlið að allan tímann varstu mér við hlið Ég leita að þér og þú að mér Finn þig ei þótt standir hér og jafnvel þótt ég hafi víða farið Ég leita hér ég leita þar Bókstaklega alls staðar En veit jú vel að það er vandmeðfarið Tapað fundið horfið sjónum alveg Tangur tetur, hvorugt blasir við Og allir leita að heimskra manna sið Og allir leita að heimskra manna sið Ég leita að þér og þú að mér Finn þig ei þótt standir hér og jafnvel þótt ég hafi víða farið Ég leita hér ég leita þar Bókstaklega alls staðar En tekst bara alls ekki að finna svarið og allan tímann stóðstu mér við hlið já allan tímann varstu mér við hlið Ég leita að þér og þú að mér Finn þig ei þótt standir hér og jafnvel þótt ég hafi víða farið Ég leita hér ég leita þar Bókstaklega alls staðar Hvorugt okkar virðist taka af skarið
2.
Stikla á steinum við fjöruborð aldan hrífur burt öll mín orð ljós um skýin það læðist gegn himneskt ofan það fellur regn og syndum mínum skolar burt um stundarkorn Og kannski að nóttin efni loforð sitt um nýjan dag þar sem allt mun ganga mér í hag Og kannski að morgunsólin syngi okkur ljúflingslag og upp úr því þá verði allt með nýjum brag Ef ég sæi mig utanfrá sæi mig, líkt og aðrir sjá glugga sem stundum speglast á og óreiðuna fyrir innan þá svo hárfín blanda af hamingju og eftirsjá Og kannski að nóttin efni loforð sitt um nýjan dag þar sem allt mun ganga þér í hag Og kannski að morgunsólin syngi þér svo fallegt lag og allt mun verða fallegt og með betri brag Ef þú færir á undan mér skildir mig bara eftir hér eitt ég vil þá segja þér að fuglarnir sem flugu í september snúa aftur síðar eins og vera ber Og kannski að nóttin efni loforð sitt um nýjan dag þar sem allt mun ganga þér í hag Og kannski að morgunsólin syngi þér sitt besta lag og upp úr því þá verði allt með betri brag
3.
Sumarið nítíu-og-eitt (það var í meðallagi heitt) Og ég var eins og yfirleitt, svo sem ekki að gera neitt Þá skyndilega fóru hjá, (með miklun drunum svo mér brá) stórar vélar, ein, tvær, þrjár með vaska drengi aftaná Ég stökk af stað til þess að gá (veit ekkert hvað ég var að spá) hvort vinnu væri þar að fá svarið var einfalt, það var já Og fljótlega þá komu vörubílarnir Og malbikið það rauk og allir strákarnir þeir gripu skóflurnar Ég fann frelsið uppi á malbikunarvél með vind í hárinu á miðjum Víðimel Ég held mér hafi aldrei liðið svona vel Ég fann frelsið uppi á malbikunarvél Sumarið nítíu-og-eitt, það varð þá sem allt varð breytt Og mér var þægilega heitt og átti ekkert óafgreitt Ég hugsa oft til þess í dag - hvort ég ætti að skipta um fag Og finna gamalt bræðralag og malbika hvert moldarflag Þá stend ég upp og æpi á miðjum kontórnum Að núna sé ég farinn út og vilja bara fara og ... Finna relsið uppi á malbikunarvél með vind í hárinu á miðjum Víðimel ...
4.
Burtséð frá því hvað lífið tekur í skaltu fagna því að þú situr í og þú fékkst að lifa því. Þrátt fyrir það að þú færist ekki úr stað skaltu muna hvað þú hefur afrekað. Að deyja það er alls ekki það versta vinur minn að lifa ei til fulls er sýnu verra. Stattu því beinn, já svona alveg eins og teinn og vertu viss um að þér birtist óskasteinn. Lævís og ljót og stundum öskufljót er hún biturðin og öfundin hún er steypt í sama mót. Þótt tilveran flá á stundum virki grá vertu viss það bætast litir ofan á. Að mistakast er alls ekki svo galið góði minn að reyna aldrei neitt er miklu síðra. Vittu því til það verða kaflaskil og fyrir hamingju þú sérð ei handaskil Að falla eru ekki endalokin vina mín að þora ekki að stökkva er öllu verra. Að gráta það er ekkert til að fela ástin mín Vertu þakklát fyrir þá sem tárin þerra Svo láttu nú sjást að þú eigir fullt af ást og reyndu að gleyma því sem áður yfirsást.
5.
Glæður eldsins ylja mér enn ljós og skugga burtu ég brenn svefninn kemur og sigrar mig senn eitt kvöldið enn Allt sem ég missti og allt sem ég á Sumt af því tildur annað er prjál Þín vegna lærði ég betur að sjá Skynja og þrá Og líf þitt allt eins og bálið sem brennur Það leið alltof hratt (Það kulnaði hratt) Hvað sem svo verður og hvert sem ég sný Eitt máttu vita, ég lofa þér því Að blása í glæðurnar eldinn á ný Þú treysta mátt því Og líf þitt allt eins og bálið sem brennur Það leið alltof hratt Og bros þitt allt eins og áin sem rennur Var nýtt sérhvern dag Glæður eldsins kulnaðar brátt Ríkir að nýju köld norðanátt Andi þinn horfinn, í heiminum fátt sem færir mér sátt Og líf þitt allt eins og bálið sem brennur Það leið alltof hratt Og bros þitt allt eins og áin sem rennur Var nýtt sérhvern dag
6.
Úlfur 04:59
Vatnið er stillt og vindana lægir Sólin er sest en tunglskinið nægir Bjarminn sem speglast á einmana tjörnum, er bara minning um birtu frá fallandi stjörnum Og ég er aldrei, aleinn Ég er aldrei aleinn Ég er aldrei aleinn Því það fylgir mér úlfur hvert sem ég fer Og skepnan er slóttug og gefur mér gætur Og endrum og eins, leggst gæf mér við fætur Og ef ég vil sýna hvar hefur valdið Ég fæ það til baka og tífalt er gjaldið Og ég er aldrei, aleinn Nei ég geng aldrei aleinn Ég er aldrei aleinn Því það fylgir mér úlfur hvert sem ég fer
7.
Ástbjartur 03:22
Ástbjartur nú er illt í efni Þú þarft að segja fólkinu hvert stefni Það virðast allir ganga hér í svefni Og allt á leið til andskotans Ástbjartur þú sérð bleika fílinn Svo augljóst er þú keyrir leigubílinn slæðufólkið, hommana og skrílinn Hvar sem er, smeygir sér... Eitt sinn var allt svo gott og einfalt Það voru engar kellingar að væla Menn voru menn, ekkert estrógen Þið siglduð þótt væri pínu bræla Ástbjartur þú ert raunamæddur Og með réttu ertu skynsamlega hræddur Nú þarf einhver góðum kostum gæddur Að fylkja vorri þjóð undir eitt flagg Ástbjartur ekki hætta að blogga Þeir birta þetta á endanum í Mogga ef fjölmenningarfasistarnir gogga Sí og æ, ég hlæ Eitt sinn var allt svo ofureinfalt Það var engin feministaþvæla Menn voru menn, ekkert estrógen Þið siglduð þótt væri pínu bræla Æ Ástbjartur þig dreymir gamla tíma Sviðasultu, mysu og skífusíma Ef lífið væri bara íslensk glíma Ó já...
8.
Elli frændi mætti fullur í fermingarveisluna Lagðist oná hlaðborð og gubbaði á tertuna Það þurfti fjóra til að færa hann og fela hann undir gamalli búslóð í bílskúrnum En við tölum ekki um það, nei við tölum aldrei aftur um það. Við sópum því bara undir teppið Og tölum ekki um það meir Sópum undir teppið Þetta hverfur það gleymist deyr Ekki allt fólk svona heppið Að geta nýtt teppið til að takast á við hlutina Sópum undir teppið og tölum ekki meir. Hannes mágur hann hélt framhjá og eignaðist þríbura Þarf að borga meðlag og og alls konar reikninga Svo þarf hann endalaust að vinna til að sinna og borga fyrir júdó og dansskóla En hjónin tala ekki um það, nei þau tala aldrei aftur um það Þau sópa því bara undir teppið Og tala ekki um það meir Sópa undir teppið Það gleymist allt seinnameir Ekki allt fólk svona heppið Að geta nýtt teppið til að takast á við hlutina Sópum öllu undir teppið og tölum ekki meir. Amma er alltaf brjáluð og hrækir á bréfberann Hringir inn á Sögu og baktalar Pólverjann Ég þarf að skjótast einhvern tímann og aftengja símann og fjarlægja póstkassann En ég tala ekki um það, nei ég tala ekki um það við neinn Ég sópa því bara undir teppið Og tala ekki um það meir Sópa undir teppið Þetta hverfur það gleymist deyr Ekki allt fólk svona heppið Að geta notað teppið til að takast á við hlutina Sópa öllu undir teppið og tala ekki meir.
9.
Eimreiðin 04:58
Ég moka kolum inn í brennandi ofn þvert á sannfæringu mína. Færist áfram eftir teinum vanans þótt ég láti ekki í það skína Og furðulegt nokk þá er ég hér enn reyni að gleyma og rifja upp í senn Eimreiðin blæs svörtum reyk rennur áfram af vana og einmeinaleik eimreiðin fer hvergi smeyk og við mokum öll í ofninn Það er engin leið aftur um brýr sem að baki þér brenna Þú nauðugur ferð niður árnar til að sjá hvert þær renna Og merkilegt nokk þær renna í hring Og í því felst sátt og um leið fordæming Eimreiðin blæs svörtum reyk rennur áfram af vana og einmeinaleik eimreiðin fer hvergi smeyk og við mokum öll í ofninn

about

Sváfnir Sigurðarson hefur sent frá sér plötuna Loforð um nýjan dag, en það er jafnframt hans fyrsta sólóplata. Á plötunni eru níu frumsamin lög.

Loforð um nýjan dag var hljóðrituð í Stúdíó Hljómi og það var Hjálmur Ragnarsson sem stýrði upptökum, Skapti Þóroddsson sá um hljóðblöndun og Sigurdór Guðmundsson, hjá Skonrokk Stúdíós sá um masteringu.

Sváfnir gefur sjálfur út plötuna.

Fyrir þá sem vilja kaupa geisladisk, þá mun diskurinn fást í versluninni 12 Tónar á Skólavörðustíg.

credits

released December 15, 2016

Á plötunni leikur með Sváfni hljómsveitin Drengirnir af upptökuheimilinu, sem var sérstaklega sett saman til að vinna að gerð plötunnar.

Drengirnir á upptökuheimilinu eru:
Eðvarð Lárusson, gítar
Kristján Freyr Halldórsson, trommur
Pálmi Sigurhjartarson, píanól og harmonikka
Tómas M. Tómasson, bassi

license

all rights reserved

tags

about

Sváfnir Sigurðarson Reykjavík, Iceland

Fyrsta sólóplata Sváfnis Sigurðarsonar, Loforð um nýjan dag, kom út í árslok 2016. Áður hefur hann gefið út geisladiskinn Klæðskeri Keisarans, með hljómsveitinni KOL, árið 1994. Hann er annar söngvara og lagahöfunda í hljómsveitinni Menn ársins sem sendi frá sér samnefndan geisladisk árið 2008. Sváfnir hefur samið tónlist við leiksýningar og stuttmyndir svo fátt eitt sé nefnt. ... more

contact / help

Contact Sváfnir Sigurðarson

Streaming and
Download help

Redeem code

Report this album or account

Sváfnir Sigurðarson recommends:

If you like Loforð um nýjan dag, you may also like: